Dizionari de Lenghe Furlane

smenteâ  smen|te|â  [CO]

1. v.tr. no ricuardâ:  un viaç spaventôs che no varessin smenteât mai di vite lôr (Pieri Menis, Chei di Muraie)
   Sin. disgludâ , disgludâsi , inglidâ , dismenteâ , smenteâsi , dismenteâsi
   Var. smintiâ
   
   1. ancje ass., no vê tal cjâf, no pensâ par un pôc di timp:  se al jere un moment là che ducj a smenteavin di sei a sagre e si visavin che la reson de fieste e jere sacre, chel al jere il passaç de procession (Cristina Noacco, Faliscjis)
2. v.tr. lassâ di bande, no vê plui interès, afiet, rispiet e v.i.:  il Friûl al larà pierdintsi come popul e come nazion parcè che si lassin smenteâ e distudâ i siei valôrs di culture, di storie, di lenghe, di tradizions (Riedo Pup, I furlans e la partecipazion)
   Sin. lassâ di bande , lassâ fûr , dismenteâ , smenteâsi , stralassâ , trascurâ , dismenteâsi
3. v.tr. lassâ di sintî un leam, un sintiment, in gjenar di amôr, ancje di pueste par no patî:  in realtât al jere il so cûr che nol veve smenteât, che al jere ancjemò in bore sot la cinise (Pieri Menis, Sul agâr)
   Sin. gjavâ dal cûr , gjavâsi dal cûr , dismenteâsi , dismenteâ , smenteâsi
4. v.tr. pal plui in espressions retorichis, cun negazion, par zontâ un element o un argoment che si à di tignî in considerazion:  la etichete e à produsût musiciscj tant che i Carnicats, Dj Tubet, Madrac, Fabian Riz, DLH Posse [...]. Par no smenteâ Aldo Sbadiglio e la Famiglia Ananas in Vacanza , i LaipLessNess, Dek III Ceesa [...] (Moira Pezzetta, Radio Onde Furlane. Il cûr al bat a timp di Musiche in marilenghe)
   Sin. lassâ di bande , dismenteâsi , dismenteâ , smenteâsi
5. v.tr. no dâ plui pês, no patî plui par alc di brut:  [une fieste] di vivile insieme fra bilirots e nissun, smenteant ducj i intrics, i ripics, i fastilis, lis rognis (Meni Ucel, La "Fieste dai Roncs")
   Sin. lassâ di bande , lassâ pierdi , dismenteâ , smenteâsi , dismenteâsi , lassâ cori
6. v.tr. lassâ alc intun lûc, no puartâsi daûr, soredut par distrazion:  usgnot no vevi i bêçs parcè che o ai smenteât il tacuin (Jolanda Mazzon, Fûr di timp)
   Sin. lassâ , dismenteâ , smenteâsi , dismenteâsi
   
   1. no fâ, no meti, no doprâ e v.i., in sens une vore larc, in gjenar par distrazion:  smenteâ di meti il pont ae fin de frase