Dizionari de Lenghe Furlane

dismenteâ  dis|men|te|â  [FO]

1. v.tr. no ricuardâ:  gno nono Rico mi contave simpri cheste storie… me à contade cussì tantis voltis che no le dismentei (Checo Tam, I nemîs); lis primis robis che si imparin a son lis ultimis che si dismentein (Franc Fari, Il cjâf dai furlans)
   Sin. disgludâ , disgludâsi , inglidâ , smenteâ , smenteâsi , dismenteâsi
   Var. dismintiâ
   
   1. ancje ass., no vê tal cjâf, no pensâ par un pôc di timp:  te colmace de mê solitarie indignazion, propit cuant che o soi daûr a tacâ la butilie de sgnape par dismenteâ, al comparìs pre Nocent (Arturo Feruglio, Viaç a Vignesie); un biel moment, dismenteant a colp i siei pinsîrs, Min al veve dreçât lis orelis e spalancât i voi (Franca Mainardis, Aiar di cjase)
2. v.tr. lassâ di bande, no vê plui interès, afiet, rispiet e v.i.:  Sante Luzie e jere propit stade; passade in ducj i paîs, cence dismenteâ nissun, in nissune cjase (Riedo Pup, I furlans e Sante Luzie); cemût vêso fat a dismenteâ l'onôr? (Maria Forte, L'aventari pal barcon); la fam e fâs dismenteâ ancje la vergogne (Angelo Floramo, Cuintristorie dal Nûfcent 1910-1920)
   Sin. lassâ di bande , lassâ fûr , smenteâ , smenteâsi , stralassâ , trascurâ , dismenteâsi
3. v.tr. lassâ di sintî un leam, un sintiment, in gjenar di amôr, ancje di pueste par no patî:  no i volevi ben: lu ai cjolt par dismenteâti te che tu jeris sposât (Dino Virgili, Ombrenis sul liston); dismenteilu, nol brame une famee e che al vadi cun Diu pe sô strade cul so cûr sterp (Pieri Somede dai Marcs, Un pugn di moscjis)
   Sin. gjavâ dal cûr , gjavâsi dal cûr , dismenteâsi , smenteâ , smenteâsi
4. v.tr. pal plui in espressions retorichis, dispès in forme negative, no dâ atenzion, no tignî in considerazion:  no si à po di dismenteâ il pês de politiche economiche veneziane che e impedìs il svilup di ativitâts concorenziâls su la tiereferme (Carli Pup, Il Friûl de Joibe Grasse dal 1511)
   Sin. lassâ di bande , dismenteâsi , smenteâ , smenteâsi
5. v.tr. no dâ plui pês, no patî plui par alc di brut:  dismenteâ i moments plui mârs. Eco ce che al valeve di plui (Maria Forte, Cjase di Dalban)
   Sin. lassâ di bande , lassâ pierdi , smenteâ , smenteâsi , dismenteâsi , lassâ cori
6. v.tr. lassâ alc intun lûc par distrazion:  si podeve dismenteâ cjapiel, ombrene e magari ancje il tacuin intune birarie o intune glesie e la setemane dopo tu tornavis a cjatâ la robe al so puest (Riedo Pup, I furlans e la Austrie)
   Sin. lassâ , smenteâ , smenteâsi , dismenteâsi
   
   1. no puartâsi daûr:  dismenteâ la ombrene a cjase
      Sin. lassâ , smenteâ , smenteâsi , dismenteâsi

Proverbis:

• cui che lis fâs, lis dismentee
• il perdonâ al è dal om, il dismenteâ al è des bestiis
• intant che si pense ai fats dai altris, si dismentee i siei
• perdonâ al è dal om, dismenteâ al è des bestiis
• si po perdonâ ma no dismenteâ