Dizionari de Lenghe Furlane

dismenteâsi  dis|men|te|â|si  [FO]

1. v.pron.tr., v.pron.intr. no ricuardâ:  al è un biel pieç che o provi a clamâti, ma il to telefonut al jere simpri distudât! Ti sêstu dismenteât dal apontament cul inzegnîr? (Franca Mainardis, Grivôr); si dismenteave subit di chel che no i interessave, e invezit pal rest al veve une memorie di fier, e une volte imparade une robe no le molave mai plui (Carlo Sgorlon, Il dolfin)
   Sin. disgludâ , disgludâsi , inglidâ , smenteâ , smenteâsi , dismenteâ
   Var. dismintiâ
   
   1. no vê tal cjâf par un pôc di timp:  lavorant si dismenteave dai siei pinsîrs, e dute la sô atenzion e jere pal lavôr (Carlo Sgorlon, Prime di sere)
2. v.pron.tr., v.pron.intr. lassâ di bande, no vê plui interès, afiet, rispiet e v.i.:  bevi, zuiâ, morosâ cu lis massariis e cu lis camarelis, jerial miracul se si dismenteave de sô puare famee? (Catarine Percude, L'oseladôr)
   Sin. lassâ di bande , lassâ fûr , smenteâ , smenteâsi , stralassâ , trascurâ , dismenteâ
3. v.pron.tr., v.pron.intr. lassâ di sintî un leam, un sintiment, in gjenar di amôr, ancje di pueste par no patî:  chê femine li no je par te, crodimi, miôr che tu te dismenteis
   Sin. gjavâ dal cûr , gjavâsi dal cûr , dismenteâ , smenteâ , smenteâsi
4. v.pron.tr., v.pron.intr. pal plui in espressions retorichis, dispès in forme negative, no dâ atenzion, no tignî in considerazion:  no si à di dismenteâsi che cuant che une imprese e rive al pont di mandâ cjase dai lavorents, al vûl dî che e à tacât a vê pierditis cussì gravis di condizionâ no dome i profits ma la sô vite stesse (Buteghe dal Mont, Luche Nazzi, Guide par un consum just e solidâl)
   Sin. lassâ di bande , dismenteâ , smenteâ , smenteâsi
5. v.pron.tr., v.pron.intr. no dâ plui pês, no patî plui par alc di brut:  a son passâts tancj agn e tanti borascji che al mi è nassût encja a mi da dismintiâmi no dal ben ma dal mâl che a mi àn fat una volta (Novella Cantarutti, "Uta, Ututa improntiti")
   Sin. lassâ di bande , lassâ pierdi , smenteâ , smenteâsi , dismenteâ , lassâ cori
6. v.pron.tr. lassâ alc in cualchi puest lûc par distrazion:  ocjo, cjape ca, che tu ti dismenteavis la ombrene ca di me
   Sin. lassâ , smenteâ , smenteâsi , dismenteâ
   
   1. no puartâsi daûr:  dismenteâsi i documents a cjase
      Sin. lassâ , smenteâ , smenteâsi , dismenteâ