Dizionari de Lenghe Furlane

planc planchin    [AF]

1. loc.av. cence spesseâ, cence velocitât:  a racuei ti voi lis stelis / tal grant prât dal firmament; / jempli il zei cu lis plui bielis / e po torni dal moment. Planc planchin, une par une, / vie pe gnot vuei lâ cirint: / mi farai prestâ de lune / la sô sesule di arint (Emilio Nardini, Serenade); al jere lât indevant planc planchin, fin che al jere rivât dongje de taule (Gianni Gregoricchio, Îr e doman)
   Sin. a pas a pas , a planc a planc , a planchin , biel a planc , biel planc , biel planchin , planc , planchin , plancuç , planc a planc , a planc , ben planchin , planc planc , ben planc , planchin planchin
   Var. planin planin
   
   1. cun pocje energjie, viamence, empit, in maniere cuiete, graduâl, prudente e v.i.
   2. soredut dal fevelâ, cun pôc sunsûr, cun vôs basse
      Sin. sot vôs , a vôs basse , a basse vôs , a planc

Components:

• planchin av.