Dizionari de Lenghe Furlane

pierdi il cjâf    [CO]

1. loc.v. lâ in confusion, no compuartâsi plui in maniere razionâl, soredut par vie di pôre, panic, emozions e v.i.:  [dopo dai 8 di Setembar dal 1944] ancje i uficiâi a àn pierdût il cjâf subit… Ordins, cuintriordins, no si saveve di dulà che a vignissin… (Pieri Menis, Sul agâr); cumò al veve di cuietâsi, di no pierdi il cjâf e di procedi cuntun ordin meticolôs (Fabian Ros, Un piçul particolâr)
   Sin. çavariâ , lâ fûr , lâ fûr cul cjâf
   Cfr. pierdi il control , lâ fûr dai semenâts , pierdi la tramontane
   
   1. deventâ mat, tacâ a vê une patologjie mentâl:  un altri siorut, mi conte Brune, al veve pierdût il cjâf a vivi di bessôl (Cristina Noacco, Faliscjis)
2. loc.v. jessi cjapât dal inamorament o di une passion une vore fuarte:  e jere in spiete di viodi, di cognossi cheste fantate che e veve fat pierdi il cjâf a so fi (Roberto Ongaro, Il muc)
   Sin. inamorâsi , vê une cuete

Components:

• cjâf s.m.
• pierdi v.tr., v.intr.