çavariâ
ça|va|ri|â
[AF]
-
v.intr.
vê une alterazion dal stât di cussience che e fâs viodi robis che no son o che, durmint, e fâs movisi o fevelâ tal sium:
chel frutat al à di vê vût un grant displasê, lu ai capît cuant che al çavariave plen di fiere tal ospedâl: al barbotave i nons di Rose, Rosute, Meni, di tradiment e ce saio jo (Pieri Somede dai Marcs, Vilie di Nadâl (teatri));
mi soi sveât dut un sudôr, in aghe e plen di frêt che o batevi brucjis cui dincj. Mi àn dit che o ai çavariât dute la gnot (Alan Brusini, Un dai pôcs)
Var. çavareâ
, çarvaiâ
-
v.intr.
(fig., iperb.)
compuartâsi o fevelâ in maniere dal dut irazionâl:
la cjoche oratorie lu cjape dal dut… Al piart la reson, al tache a çavariâ (Riedo Pup, Filosofie padronâl)
Sin. mateâ
, bacilâ
, batile
-
dî robis che no son, che a son imagjinadis o che in ogni câs no corispuindin ae realtât:
"No çavarii no, o dîs la veretât" (Bruno Paolo Pellarini, L'anel striât)
-
v.intr.
(fig., iperb.)
sfuarçâsi une vore, cirî di otignî alc cun grant impegn, cun grande preocupazion o ancje dome vê un grant pinsîr, une grande preocupazion:
da cuatri agn incà al si sfadie / par publicâ un tratât di Astronomie, / e gnot e dì al çavarie (Pieri Çorut, Il Strolic furlan par l'an 1834);
di frute nus à fats çavariâ, me e la mê Mariane, par mandâle a scuele (Josef Marchet, Lis predicjis dal muini)
Sin. deventâ mat
, rompisi il cjâf
, mateâ
, bacilâ