mantignîsi
man|ti|gnî|si
[AF]
-
v.pron.intr.
lâ indevant a jessi in chês stessis cundizions, no vê o no mostrâ mudaments:
o domandìn che l'ordenament autonomistic che nus vignarà dât, al rispieti il furlan, che i permeti di mantignîsi e di confermâsi, che lu favorissi (Josef Marchet, Autonomie e lengaç);
al è chest il prin telâr dal pinsîr telinian, che si mantignarà ancje daspò dal slontanament dal Friûl (Donato Toffoli, Il lunari mai jessût - Tellini te prime vuere mondiâl);
si sa che une cjase sierade e patìs, si dissipe; un lûc al à bisugne di sei doprât par mantignîsi san di mufis, di carûi (Roberto Ongaro, Cretevierte)
Sin. condurâ
, durâ
, indurâ
, tignîsi
, restâ
, conservâsi
-
v.pron.intr.
viodi di ce che al covente par vivi:
al veve di passâi bêçs ancje ae femine, che a jerin divorziâts di cuindis agns, e jê e jere rivade a fâ crodi che no podeve mantignîsi di bessole (Agnul di Spere, L'avignî di Antoni Cossâr)
Sin. stâ sù
, tignîsi sù
, vivi
, sostignîsi
-
v.pron.tr.
mantignî cdn. o alc tal propri interès:
"Aio di pensâ jo par chei altris, e sarès ben biele, e po ju à fats [i fîs] e che sai mantegni! e se no po mantignîju che ju puarti in municipi…" (Pieri Somede dai Marcs, Cjase di fitâ)
Proverbis:
- la bielece e va e e ven, e je la bontât che si manten