lontanance
/-nàn-/
lon|ta|nan|ce
[AF]
-
s.f.
il jessi lontan, distance lungje jenfri doi elements:
viôt mo, Agnul… capissile. La lontanance e distude l’amôr (Costantino Smaniotto, La rosade de la sere)
Sin. distance
-
il stâ intun altri puest:
par vie de lontanance dal patriarcje […] la ocupazion dal Friûl par opare di Vignesie e vignì stabilide midiant di tratativis particolârs cun ognidun dai cjastelans e ognidune des Comunitâts (Josef Marchet, Cuintristorie dal Friûl fin sot la Italie);
a mi pâr di essi tornât ca dopu un secul di muart; un secul di lontanansa (Pier Paolo Pasolini, I Turcs tal Friûl)
-
puest lontan di dulà che si è, o di dulà che si vîf pal solit:
te lontanance e te vitace che al menave là sù, lis letaris di jê i rivavin tant che la mane dal cîl (Alan Brusini, Par stradis lungjis)
-
timp che si passe lontan, in gjenar lontan di cjase, de patrie e v.i.:
la sô famee lu à simpri poiât tal so lavôr e tes sôs lontanancis (Valentina Pagani, Edi Orioli: la braùre di rapresentâ il Friûl)
-
s.f.
sensazion di jessi lontan, separât in maniere dolorose di un puest, di alc o di cdn. che si vuelii ben:
vilotis di lontanance e di crepecûr (Dino Virgili, La aghe da pît la cleve)
Sin. nostalgjie
-
s.f.
il jessi dividût di un pont psicologjic o sentimentâl, il no capîsi, il no comunicâ:
no veve volût meti spinis tal cûr di lui, o chel grivi che al varès fat nassi une gnove e plui grande lontanance fra di lôr (Maria Forte, La tiere di Lansing)
Sin. distac
, division
, crevadure
, mûr
, paradane
, vueit
, distance
-
s.f.
(fig.)
il jessi diviers:
al cirive di confuartâ so fradi e di fâi companie, cun dute la lontanance di agns e di animis difarentis che a vevin (Agnul di Spere, I prâts des Savodagnis)
Sin. diference
, divari
, diversitât
, svari
-
s.f.
il fat di sei lontan intal timp:
dopo agns si voltisi daûr a cjalâ, par vie che si à cjaminât alc, si è lâts indevant. […] E la cjalade indaûr, vadì a robis che si smamissin di lontanance, e je la brame tasude di tornâ a scomençâ (Dino Virgili, Ombrenis sul liston)