Dizionari de Lenghe Furlane

litigâ  li|ti|gâ  [CO]

1. v.intr. vê un contrast di ideis, argoments, interès, che al pues puartâ ancje ae violence fisiche o a une cause in tribunâl:  un pas a la volte, tra discussions, ricors e barufis, lis competencis e i dirits de Contadinance e dal Parlament a forin stabilîts e ancje lis causis di litigâ a vignirin a mancjâ (Josef Marchet, Cuintristorie dal Friûl fin sot la Italie); "[...] e son trente agns che si sin sposâts, e no vin mai vudis diferencis, no vin mai litigât" (Bepo Marion, Il liron di siôr Bortul)
   Sin. barufâsi , barufâ , litigâsi , begâ
   Cfr. cuistionâ , radegâ , ticâsi , triscale , businâ , cjatâ da dî , contindi

Proverbis:

• a litigâ, un al reste in cjamese e chel altri biel nût
• cui che al à bêçs di no savê ce fâ, che si meti a litigâ o a fabricâ
• cui che al litighe al mangje il so
• il masse litigâ al mangje la robe