Dizionari de Lenghe Furlane

jevâsi sù    [CO]

1. loc.v. tirâsi sù impins, no stâ plui sentât o distirât:  al svuedà la sô tace, al paià, saludà ducj e al jessè da la ostarie. Ancje Toni si jere jevât sù daûrji par creance (Tarcisio Venuti, La cjase di Toni); al sberlà cirint di jevâsi sù di buride. L'infermîr lu blocà cun dut il pês dal so cuarp (Amedeo Giacomini, Tal ospedâl)
   Sin. jevâ sù , tirâsi sù , jevâsi , jevâ
   
   1. in particolâr vignî fûr dal jet cuant che si sveisi:  chiste frute si jevave sù a buinore par lâ ta filande (Dolfo Zorzut, No je plui vive)
      Sin. jevâsi , jevâ
      Cfr. sveâsi , dismovisi
2. loc.v. (ancje fig.) lâ sù, lâ adalt o ancje intune direzion che si pues calcolâ adalt, superiôr, setentrionâl e v.i.:  il passar al slargjà svelt lis alis, al petà il svual e si jevà sù in alt (Jolanda Mazzon, Di là de rêt)
   Sin. lâ sù , jevâ sù , jevâ , jevâsi
   
   1. vê une dimension, une direzion e v.i. viers dal alt, ancje cence moviment:  in fonts [dal curtîl] si jevave sù une file di pôi, e tal mieç un cjariesâr cul tronc taront e dret come une colone (Carlo Sgorlon, Prime di sere)
3. loc.v. (fig.) rivâ o tornâ a un nivel alt di fuarce, benstâ, valôr, libertât e v.i.:  une serie di events tragjics - da lis invasions dai Ongjars al taramot dal 1976 - che [il popul furlan] al rive a superâ, tornant a jevâsi sù miôr di prime (Dree Venier, Tito Maniacco e i furlans: sono pardabon cence storie?)
   Sin. jevâ sù , tirâsi sù , jevâ , jevâsi

Components:

• jevâsi v.pron.intr., v.pron.tr.
• sù av., inter., s.m.inv., adi.inv.