induvinâ
in|du|vi|nâ
[AF]
-
v.tr.
savê ce che al sucedarà tal avignî par virtût sorenaturâl o ancje par câs:
e bute lis cjartis, e induvine l'avignî, e fâs fevelâ i muarts (Pieri Somede dai Marcs, Ursule)
Sin. divinâ
, previodi
, strolegâ
, pronosticâ
, profetâ
Var. indivinâ
-
v.tr.
rivâ a capî, a savê alc za prime di vê ducj i elements par savêlu dal sigûr e par comprovâlu:
o jeri usade a induvinâ dut ce che al pensave; a savê, prime che al viarzès la bocje, ce che al mi varès dite (Ercole Carletti, Mariute)
Sin. intuî
, imbrucjâ
, olmâ
, nasâ
, intivâ
, imagjinâ
, figurâ
-
ancje cun obiet costituît di cdn.:
"Crodistu che no capissi che volês butâmi tai pîts une frutate cualuncue tratant che mi maridi? Jo us induvini" (Costantino Smaniotto, Maridâsi…!?)
-
v.tr.
percepî in maniere dome parziâl o velade:
si jere zirât, prin di voltâ vie pe strade di cjase sô, e al veve induvinât, tal scûr di velût, la figure di jê, ancjemò ferme dongje dal mûr (Gianni Gregoricchio, Îr e doman);
il paîs là vie tal bas plui che viodilu si induvinavilu, cul so tor dret tal mieç come un vuardian (Pieri Menis, Sul agâr)
Sin. intuî
Cfr. traviodi
, intraviodi
-
v.tr.
fâ une sielte fortunade, cun bon sucès:
la ricostruzion o vin di fâle nô; o vin dirit di induvinâle nô; o vin dirit di sbaliâle nô, no chei altris (Francesc Placerean, Il Friûl taramotât al à bisugne di ducj, ma al à di aministrâsi di bessôl)
Sin. becâ
, cjatâ
, imbrucjâ
, intivâ
Proverbis:
- a pensâ mâl, tropis voltis si induvine
