indicâ
in|di|câ
[AF]
-
v.tr.
fâ viodi, massime cul dêt o cun mots:
i mostrà ducj i reparts, indicant mo chel machinari, mo chel altri, e spiegantji il lôr funzionament (Raffaele Serafini, Contis sot spirt);
il pari, par viodi miôr ce che gji veva indicât il fi, al montâ ne la barcja (Federigo Comelli, Il me paîs)
Sin. mostrâ
, segnâ
, insegnâ1
, pandi
-
v.tr.
fâ capî o lassâ capî:
la muse dal predi, tombadice, cu lis masselis ben strentis e i voi sglonfs di lagrimis, mi indiche che el puar vecjo al à la anime e il cûr in plene bulidure poetiche (Arturo Feruglio, Viaç a Vignesie);
i risultâts di chestis sperimentazions (Altran 2002) a somein indicâ che l'ûs di plui lenghis al fâs cressi lis pussibilitâts di stimolâ la intuizion dai students (Carlo Cecchini, Matteo Fogale, Une esperience di plurilinguisim inte didatiche de matematiche)
Sin. mostrâ
, segnâ
, pandi
-
vê un ciert significât:
o vevi simpri pensât, a stupit vie, che «valdês» al indicàs une provignince, come abruçês, puliês, gjenovês… (Carlo Sgorlon, Il dolfin);
des voltis chel stes tiermin o element formatîf (sufìs, prefìs e v.i.) al pues indicâ nozions diferentis in setôrs diviers (Franco Finco, Par une terminologjie in lenghe furlane)
-
v.tr.
segnalâ par cualitât:
o crôt di scugnî indicà tal nestri fradi inte fede, Fausto, un om che al à dât un esempli di amôr dal prossim (Francesc Placerean, Pe muart di Fausto Schiavi)
Sin. segnâ
, segnalâ
-
segnalâ par une utilitât:
si dismonte e si domande indulà che si cjate la locande che nus veve indicât siôr Agnul Basandiele (Arturo Feruglio, Viaç a Vignesie)
Sin. conseâ
, racomandâ
-
cjatâ, ricognossi e descrivi par une cierte cualitât o identitât:
il filosof di Milet cuntun slanç dal intelet al indicà inte archè il probleme metafisic de fisiche, chel dal so fondament unitari, dal so statût ontologjic demitizât (Adrian Cescje, Viaç aes origjins dal Logos)
Sin. individuâ