racomandâ
ra|co|man|dâ
[AF]
-
v.tr.
afidâ cdn. o alc ae protezion, ae cure o al jutori di cdn.:
"[…] La uniche e je chê di tentâ di rivâ in Piemont… e plui tal grant al va e plui sigûr al è… i darai une letare par racomandâlu a un gno amì fidât di Turin […]" (Alviero Negro, Int di masnade);
"Se al ves di capitâmi alc di mâl, ti racomandi la mame!" "Sù, sù, […] no stâ dî chês robis! Va e torne e che Diu ti tegni la man sul cjâf!" (Roberto Ongaro, Il muc)
Sin. afidâ
, fidâ
, rimeti
, dâ in man
, lassâ in man
-
v.tr.
segnalâ cdn. o alc pes sôs buinis cualitâts:
["Cjase di Dalban"] e je une leture di racomandâ (Laurin Zuan Nardin, Maria Forte, Cjase di Dalban, Udin 2005)
Sin. segnâ
, segnalâ
-
segnalâ cdn. a cui che al pues judâlu o sistignîlu, soredut in cjamp professionâl, ancje in confront cun candidâts plui brâfs:
"Deh, bulo! Tu sês aromai biel pront par lâ soldât te aeronautiche… ti metin te cuintriaerie, garantît! Ti racomandi jo!" (Checo Tam, Lis pinessis)
-
v.tr.
domandâ cun insistence di fâ alc o di viodi di alc o di cdn., dispès ancje in formis elitichis cun valôr enfatic:
"Mandi, Mariute, ti racomandi di no straçâ i bêçs e no lâ inniò bessole" (Maria Forte, Sul cjar di Pauli Gurin);
"Siôr nodâr, i racomandi!, aial viodût des impotechis?" "Sì: i bêçs par svincolâ la impoteche ju ten jo in dipuesit." (Pieri Somede dai Marcs, La braide)
