Dizionari de Lenghe Furlane

fidâ  fi|dâ  [CO]

1. v.intr. vê fede, fiducie, sperance:  cualchi zovin che al fidave tal avignî (Alviero Negro, Int di masnade); al si preocupà di tignî sot control la situazion, fidant su lis fuarcis armadis (Giovanni Pillinini, Zuan Batiste Cavedalis - Une vite esemplâr)
   Sin. fidâsi
2. v.tr. dâ, consegnâ o lassâ alc o cdn. a cdn. par che lu conservi o lu tegni ben:  [i presonîrs liberâts dal lager] ju àn fidâts ae Crôs Rosse dai Rus (Ivano Urli, Storie di Min)
   Sin. dâ , consegnâ , lassâ
   Var. afidâ
   
   1. lassâ un compit di fâ a cdn.:  a àn fat puest al progjet plurilengâl te ativitât educative che ur jere fidade tes classis (Alessandra Burelli, Educazion plurilengâl tes scuelis furlanis)

Proverbis:

• al cjoc no stâ fidâi segret