inclapâ
in|cla|pâ
[CO]
-
v.tr.
cjatâ e blocâ cdn. che al è daûr a fâ alc che nol varès di fâ o che nol voleve fâsi cjatâ:
mi à inclapât ta cjanive une mostre di femenate, che mi 'nd à moladis tantis che ind ai voludis (Luigi Gortani, La bolp e il lôf)
Sin. becâ
, gatamâ
-
v.tr.
fâ in mût che cdn. o alc al resti intun ciert puest o intune cierte cundizion:
[a vevin segnât il confin in maniere diferente] no si sa se par vie di une sviste o par furbarie, par inclapâ tal propi teritori chê cjasute cun cuatri animis (Tarcisio Venuti, La cjase di Toni)
Sin. stratignî
, tignî
, fermâ
, blocâ
-
v.tr.
cjatâ cdn., soredut par câs:
e al inclapa trê amîs, machina trucada, par lâ lontan fûr di via (Giorgio Ferigo, Notgrops)
Sin. intivâsi
, intivâ
, inclapâsi
, intopâsi
, intopâ
-
v.intr.
cjatâsi par câs intune cierte situazion o cundizion, vê a ce fâ cun alc:
un cjaçadôr al leve a cjaça, di Invier, bessôl, e alora na dì al è inclapât inte nêf (Popolâr - Giuseppe Francescato, El cjaçadôr e la orsa)