incjocâ
in|cjo|câ
[AF]
-
v.tr.
spec. di robe di bevi alcoliche, alterâ il stât mentâl, sbassant la tension, la capacitât di atenzion, la precision dai moviments, produsint sensazions tant che ecitazion, ligrie o ancje malinconie o agressivitât:
un vin che al somee lizêr, ma al incjoche;
un muc e un talian. Il talian al dîs: «Voaltris, plui che la Plâf, us à fermâts il vin, che us à ducj incjocâts» (Vico Bressan, Scaiis - Il Strolic furlan pal 1972)
Sin. imbarlumî
, imberlî
, incarburâ
, incerâ
, pontâ
, imbarlumâ
, becâ
, imbramî
, invreasâ
, vreasâ
, sturnî
-
(fig.)
spec. di odôr, o ancje sun o altri, dâ une sensazion une vore fuarte o profonde:
la glesie e jere furnide di grant fieste e lis rosis a incjocavin di tant sprofum (Roberto Ongaro, Cretevierte);
[il cjastinâr] al à fat masse flôrs chest an passât … / un odôr cussì fuart, che al mi incjocave (Anna Maria Allatere, Sot il cjastinâr)
-
v.tr.
fâ bevi cdn. fin a fâlu deventâ cjoc:
a Sant Pieri, parcè che al jere il gno Sant, mi àn menât in paîs, e là a volevin incjocâmi: ogni bon fornasîr al veve di fâ almancul une cjoche par stagjon (Pieri Menis, Il gno prin pâr di scarpis)
Cfr. jemplâ
, implenâ
-
v.tr.
(fig.)
produsi un stât di ecitazion o di esaltazion, che al slontane di une percezion ecuilibrade de realtât:
e tornave indaûr come in trambulis, che ancje la contentece e incjoche (Maria Forte, Varc di confin);
il gjenerâl Auer, al consegnà, cence nissune resistence, la citât […]. Chest risultât cussì facil e slis al incjocà i patriots (Josef Marchet, Cuintristorie dal Friûl fin sot la Italie)
Sin. cjariâ
, ecitâ
, eletrizâ
, entusiasmâ
, esaltâ
, tirâ sù
, sturnî
-
fâ pierdi la capacitât di decidi in maniere ecuilibrade, soredut par imbroiâ:
al ti incjoche cu lis cjacaris chel li! No starai mighe a scoltâlu lui! (Laurin Zuan Nardin, Il cop)
Proverbis:
- il vin di cjase nol incjoche
- la ambizion e incjoche tant che il vin
- la ultime tace e je chê che e incjoche