Dizionari de Lenghe Furlane

flapîsi  fla|pî|si  [CO]

1. v.pron.intr. pierdi la consistence, la durece, la forme, la frescjece:  la polente e il frico che i vevin metût di bande si disfredavin, il lidric si flapive (Dino Virgili, La aghe da pît la cleve); cuant che une rose si flapìs e si secje, il zardin al devente mancul biel (Riedo Pup, Al jere une volte il furlan)
   Sin. inflossîsi , inflapîsi , smolâsi , flapî , disflorî , sflorî
2. v.pron.intr. (fig.) pierdi fuarce, snait, entusiasim, ligrie e v.i.:  lis protestis dai contraris a van cangjant, la polemiche si flapìs, la rabie si distude (Riedo Pup, La cjace e i laris); i entri cu lis ombris cjaris, / te lôr cjase, / dulà / che lis memoriis / si pierdin di coragjo, / e i voi a si flapissin / intai ritrats / dai muarts (Maria Forte, Cjase di gno pari)
   Sin. inflossîsi , butâsi jù , pierdisi , smamîsi , lâ al mancul , inflapîsi , scunîsi , discunîsi , studâsi , distudâsi , flapî