studâsi
stu|dâ|si
[AF]
-
v.pron.intr.
cessâ di brusâ o ancje di fâ lûs o di jessi impiât, di funzionâ:
sul fogolâr la flame si jere studade (Pieri Menis, A uciei cu lis archetis);
tal moment che si è studât il reatôr, al è stât fat intervignî il condensadôr di isolament (Alessandro Pascolini, Il disastri de centrâl nucleâr di Fukushima Dai-ichi)
Sin. distudâsi
, murî
-
v.pron.intr., v.pron.tr.
[BF]
studâ alc di se stes, par se stes o cun reciprocitât:
si rodolavin par tiere par cirî, dibant, di studâsi lis flamis di intorsi (Roberto Ongaro, Il muc)
-
v.pron.intr.
(fig.)
finî di esisti o di vê efiet, intensitât, vivôr e v.i.:
Marie Forte no rivà a superâ il scjas dal 1976 che al sdrumà in rudinaçs chel mont contadin che jê e veve amât e cjantât cun vôs sclete e biele. Si studarà di fat a Udin tal 1979 (Angelo Floramo, Marie Forte, la mestre di Avile inamorade dal Friûl e de sô int);
une cussience che si studave e no saveve plui separâ il ben dal mâl (Maria Forte, Cjase di Dalban)
Sin. finî
, murî
, distudâsi
, sparî
, scomparî
, sfantâsi
, lâ al mancul