sfantâsi
sfan|tâ|si
[FO]
-
v.pron.intr.
(ancje fig.)
pierdi di consistence o intensitât o ridusisi di dimension fin a sparî:
spanzei di fum neri e rossiç si alçavin ce ca ce là, fin a sfantâsi tal soreli come la nêf (Pieri Menis, Cemût che o soi restât caporâl);
peçots lindui di nûi che si sfantavin tal aiar dal biel timp (Alan Brusini, Par stradis lungjis);
tai agns otante al jere lât a sfantâsi chel "moviment" des bataiis dal dopotaramot (Max Mauro, Un Friûl difarent: i 90 mhz di Onde Furlane);
la pôre e durave un istant e dopo si sfantave (Checo Tam, Vencul);
la idee de «nazion» - creazion artificiâl, turbide e cence fondamentis dal secul passât - e va sfantantsi e disgropantsi (Josef Marchet, Europe regjonaliste)
Sin. disfantâsi
, disfumâsi
, lâ vie
, sparî
, disfâsi
, lâ in nuie
, pierdisi
-
di grup di personis o di complès di elements, dividisi e dispierdisi:
co sunin in domo / di muart la cjampane / la clape si sfante / si svuede la tane (Romeo Battistig (?), Ai Piombi)
-
(fig.)
no jessi plui viodût, sintût, percepît:
al pareve che la cidule che al veve tirât, saltant e cisant jù pe cleve, no ves vût plui di fermâsi. Ae fin si jere sfantade tal scûr, glotude de fumate (Gianfranco Pellegrini, Cidulis);
di chê altre bande [la strade] si sfantave tai prâts de planure daûr de Tombate, tal cîl… (Dino Virgili, La aghe da pît la cleve)