sparî
spa|rî
[FO]
-
v.intr.
no jessi plui intun ciert puest, no jessi plui viodût, massime a la improvise:
[une fantasime in forme di femine grande grande] no faseve nissun mot, nissun pas di plui svelt, e leve drete e po e sparive intun nûl di fum (Pieri Menis, Lis leiendis di Buie)
Sin. discomparî
, disparî
, sfantâsi
-
no jessi plui viodût par vie de presince di alc altri jenfri il subiet e cui che lu cjale:
i scjampà une mieze blesteme, viodint la clâf a sparî tal pantan, ma subit si metè a sgarfâ tal torgul par cirîle (Roberto Ongaro, Cretevierte);
il soreli al sparive daûr des monts (Carlo Sgorlon, Il dolfin)
-
v.intr.
no esisti plui:
e sintive che, cu la muart, al sparive un mont intîr, dut e dome comprendût in chel cuarp e in chê anime (Gianni Gregoricchio, Trê feminis)
Sin. disparî
, lâ in nuie
, discomparî
-
no jessi plui presint di là di un ciert tiermin di timp o di spazi:
plui adalt ancje la jerbe e sparive, a un ciert pont, e si rivave a viodi nome lavinâi (Carlo Sgorlon, Il dolfin)
-
v.intr.
lâ vie, lâ o stâ di une altre bande:
al sparì par un trê dîs; po dopo al tornà dongje russantsi come il gjat e domandant se al podeve sei util in alc (Antoni Beline, Pre Pitin);
"[…] Jo sudâ e tu robâmai? Eh, no! Poie jù svelt chel cos e sparìs! […]" (Meni Ucel, Zebec)
-
v.intr.
jessi pierdût o robât:
nol è che Sante nol lavoràs, ma ogni tant dal camarin al sparive cualchi salam e lis damigjanis, un pôc a la volte, si disvuedavin (Checo Tam, Sante)
-
v.intr.
(fam.)
jessi mangjât, bevût, comprât, consumât, doprât e v.i., tant di no jessi plui disponibil:
al viodè la fertaie a sparî tune batude di voli, in trê o cuatri bocjadis (Riedo Pup, I furlans e la creance)
Sin. disparî
, finî
-
no jessi plui doprât, no jessi plui in cumierç:
cualchi obiezion e je stade fate - come che o vin dit - a chest program di selezion pe preocupazion che lis varietâts mioradis a puedin fâ sparî dal marcjât lis nestris varietâts autoctonis (Enrico Peterlunger, Lis varietâts di vît resistentis a lis malatiis)