Dizionari de Lenghe Furlane

fent  /-è-/  fent  [CO]

1. adi. che nol corispuint ae realtât, ae veretât:  cuant che a son rivâts dongje di Venus ju vin rapîts e ju vin riprogramâts cun dâts fents (Checo Tam, Sense)
   Sin. contrafat , fals , falsificât , pustiç
   Var. fint¹
2. adi. che è efiet di une simulazion, che no si fâs pardabon:  zuiâ a une vuere fente… narançons cuintri celescj (Checo Tam, Un cjasâl, une vuere nucleâr)
   Sin. fals , mat , pustiç , simulât
   
   1. che al fâs part di une interpretazion:  [balant il tango] il cjâf zirât a pene di profîl, e un ridi fent sui tiei lavris, e il barbuç adalt (Antescûr, Milonghe)
3. adi., s.m. che, cui che al ingjane, che nol è sclet
   Sin. bausâr , di dôs musis , dopli , ipocrit , fals
   
   1. di alc che al mostre falsetât
4. adi. no naturâl, artificiâl:  une cjandele fente, di plastiche, a lûs eletriche (Checo Tam, Ombris)
   Sin. mat , pustiç , artificiâl
   
   1. fat par zûc o par simulazion di alc di vêr, ma cence il fin di funzionâ