Dizionari de Lenghe Furlane

artificiâl  ar|ti|fi|ci|âl  [AF]

1. adi. che al è fat, otignût par opare di cdn., che nol è prodot de nature ma de tecniche:  la alimentazion dai trasmetidôrs radio dai prins satelits artificiâi dal program Vanguard e vignive furnide di cuatri grops di celis solârs (Lorenzo Marcolini, Lis celis organichis nanostruturadis); a jerin a stâ al nivel 0, là che al jere dut simpri compagn sot de lûs artificiâl (Gianfranco Pellegrini, Fieste grande di fin Istât)
   
   1. di prodot, fat cun tecnichis di sintesi o cun lavorazions particolârs par someâ un prodot naturâl:  il marcjât di Feagne al deventarà une place moderne come mil altris, une place nete, iluminade, plene di marmui, di bars, di piere artificiâl (Riedo Pup, La ultime barele)
      Cfr. mat , pustiç , fals , sintetic
2. adi. che al è il risultât di sfuarç, impegn o ancje di furbetât, che nol è e nol somee spontani, sclet e v.i.:  la idee de «nazion» - creazion artificiâl, turbide e cence fondamentis dal secul passât - e va sfantantsi e disgropantsi (Josef Marchet, Europe regjonaliste); in gjenerâl la sostituzion linguistiche e je un fat inaturâl, artificiâl, volût e sfuarçât di fats storics violents (Sandri Carrozzo, Vuere e pâs - Il conflit linguistic in Friûl jenfri vuere cidine e pâs bausarie)
   Sin. artefat , calcolât , fals , fint¹ , inaturâl , machinôs , manierât , cirût , ricercjât , sfuarçât , studiât , volût