sfuarçât
sfuar|çât
[AF]
-
p.pass., adi.
viôt sfuarçâ
, viôt sfuarçâsi
-
adi.
imponût de leç, di une autoritât o sim.:
si va dilunc a segnalâ lis discriminazions cuintri dai rom, ancje cun câs di dislozaments sfuarçâts (Carli Pup, Romanie - UE - Balcans)
-
adi.
che al va di là dai limits di ce che al è considerât just, miurât, adat, naturâl e v.i.:
o sin sglonfs come botis di propagande nazionalistiche sfuarçade, vueide e bausarie (Josef Marchet, Blestemis)
Sin. tirât
, cjalcjât
, cjariât
-
che al va di là di ce che al pues jessi dimostrât cun provis o cun buine logjiche:
la mê convinzion e je che tancj dai argoments di Tipler no sedin par nuie valits e che tantis sôs interpretazions a son sfuarçadis (Sergio Cecotti, Teologjie algjebriche)
-
adi.
cence spontaneitât:
al mi rispuindè cuntun ridi sfuarçât e cul cûr sglonf (Pieri Somede dai Marcs, Sant Simon: 28 di Otubar 1917);
lu tratave come se a fossin vecjos amîs, cuntune ligrie che a lui i pareve sfuarçade e bausarie (Carlo Sgorlon, Prime di sere)
Sin. artefat
, fals
, pustiç
, artificiâl
-
adi.
che al mostre une emozion une vore fuarte che si cîr in cualchi maniere di contignî:
Tilde e rivà a viodi che e gloteve, nancje che un alc i stropàs il sgrasaiâr. "O vin la robe di Meni…" e disè cun vôs sfuarçade. Dopo di chel soldadut altris a 'nt passarin pal paîs e infin a rivarin i todescs (Gianni Gregoricchio, Trê feminis)