Dizionari de Lenghe Furlane

dut câs    [FO]

1. loc.coniun., loc.av. par introdusi o par rimarcâ une conclusion o une afermazion o par introdusi un argoment gnûf:  al usave a dâ e a dâsi coragjo disint che il masse sglonfâsi, il masse suplîsi al è stât simpri la ruvine dai popui; e che, dut câs, al è miôr cambiâ discors, parcè che a fevelâ di mangjâ e ven simpri plui fam (Riedo Pup, I furlans e la fam); [in ete caroline] a fâ la academie, e jere int scozese e furlane. Dut câs, dopo passâts i Ongjars o sin restâts disfats! (Francesc Placerean, La nestre storie)
   Sin. in dut câs , in ogni câs , a ogni mût , in ogni mût , a bon cont , a ogni bon cont , par ogni bon cont
2. loc.coniun., loc.av. par introdusi o par rimarcâ une aversative o une limitazion:  al jere un pôc di timp che al cirive di vendi un cjamp. Il cjamp dut câs al jere dongje il Tiliment, plen di claps, al prin soreli si secjave dut (Angelo Covazzi, Cemût pesâ la tiere); la idee dai dirigjents de emitente e jere, fin dal principi, chê de difese di dutis lis minorancis etnichis o linguistichis, no dome di chê furlane, che dut câs minorance in Friûl no je (Max Mauro, Un Friûl difarent: i 90 mhz di Onde Furlane); al si inacuarzè che al jere stât dut un insium, stramp ce che si vûl ma dut câs nome che un insium (Sandri Di Suald, Conte di peraulis muartis)
   Sin. cun dut achel , istès , in ogni câs , in dut câs , a ogni mût , in ogni mût , simpri , a ogni bon cont , par ogni bon cont , a bon cont
   Cfr. però , par altri
   
   1. loc.av. par rimarcâ une concessive:  ancje se dut câs, tant strie no sarà stade, ma di spirts e strions, jê, a ‘nt cognosseve pardabon! (Raffaele Serafini, Soreli jevât a mont)
      Sin. istès , in ogni câs , in dut câs , a ogni mût , in ogni mût , simpri , a ogni bon cont , par ogni bon cont , a bon cont
3. loc.coniun., loc.av. par introdusi une eventualitât calcolade estreme:  ancje i plui contraris no àn mai insolentât i predis. Dut câs, se a vevin la vene contrarie, a fasevin di mancul di lâ a messe (Riedo Pup, I furlans e i predis)
   Sin. al massim , a la piês
   Cfr. in câs , se mai

Components:

• câs s.m.
• dut adi.indef., pron.indef., s.m.