Dizionari de Lenghe Furlane

declinâ  de|cli|nâ  [CO]

1. v.intr. vê un moviment o une traietorie che a van injù:  co il soreli decline, / in un biel dì di Avrîl, / o provi il grant plasê / a cjatâmi cun te sun chê coline (Pieri Çorut, La Malinconie)
   Sin. lâ jù , vignî jù , cori jù , dâ jù , sbassâsi , pleâsi , calâ
   Cfr. bonâ , bonâsi
2. v.intr. jessi intune fase di câl:  cundut che a son ancjemò cetant potents, pûr declinant, i Stâts Unîts a àn di fâ i conts simpri plui cu lis potencis emergjentis (Luigi Scandella, La potence merecane e clope)
   Sin. lâ jù , vignî jù , dâ jù , calâ , sbassâsi
3. v.tr. [BF] no acetâ, refudâ une propueste, un impegn e v.i.
4. v.tr. [TS] ling., gram. fâ cjapâ a un sostantîf, a un adietîf o a un pronon lis sôs diviersis formis, in gjenar cun desinencis, daûr dal câs, in plui che dal numar e dal gjenar:  in sumis "cans" si podeve declinâlu daûr di chel istès model di "murs" (Zorç Cadorin, Cualchi ipotesi sul furlan di prin di scrivilu)
5. v.tr. (fig.) meti in vore adatant a di une cierte situazion:  i obietîfs di autodeterminazion e autoguvier a vegnin declinâts in plui formis, cuntune atenzion specifiche pe dimension europeane e mondiâl (Marc Stolf, «Pericolo Etnonazionalismo». Ma indulà?)
6. v.tr. [BF, TS] burocr. fâ savê:  o declini lis mês gjeneralitâts (Sandri Di Suald, Ah! la provincie)
   Sin. declarâ