Dizionari de Lenghe Furlane

dâ i numars    [CO]

1. loc.v. [BF] di anime dai muarts viodude in sium, o di persone che e çavarie, dî numars di zuiâ al lot o dî robis che si puedin interpretâ di mût di zuiâ i numars dal lot
2. loc.v. pierdi, in câs ancje par pôc timp, l'ecuilibri e la salût mentâl:  done Pine, dopo cualchi setemane che si cjatavin in chê cjase, e començà a mateâ, a « dâ i numars», e diseve la int (Pieri Menis, Chei di Muraie)
   Sin. deventâ mat , lâ ator , lâ ator cul cjâf , lâ fûr cui sintiments , lâ vie di cjâf , voltâsi di cassele , voltâsi di cjâf , dâ di volte , dâ di mat , dâ fûr di mat , dâ di volte il cerviel
3. loc.v. (iperb.) vê pinsîrs, compuartaments, mots dal dut irazionâi o no previodûts o violents:  cumò lu vin viodût cussì cuiet, ma al à ancje lui moments che al da i numars (Raffaele Serafini, Contis sot spirt)
   Sin. deventâ mat , lâ ator , lâ ator cul cjâf , lâ fûr cui sintiments , lâ vie di cjâf , voltâsi di cassele , voltâsi di cjâf , dâ di volte , dâ di mat , dâ fûr di mat , dâ di volte il cerviel

Components:

• dâ v.tr., v.intr.
• numar s.m.