culture
/-tù-/
cul|tu|re
[FO]
-
s.f.
ativitât di semenâ e fâ cressi plantis, massime par produsi robe di mangjâ o materiâi o prodots di vendi:
tancj terens a passavin de destinazion al passon des bestiis ae culture de blave (Adrian Cescje, Liniis di storie sociâl e economiche dal Friûl 1500 - 1800);
la varietât climatiche dal Friûl e favorìs la culture di ogni sorte di pomis di clime temperât (Sandri Carrozzo, Une regjon di cerçâ)
Sin. coltivazion
-
teren lavorât:
I insediaments si cjatin di fat dilunc di diretivis precisis che a tegnin cont dai limits altimetrics dal bosc e des culturis (Mauro Pascolini, Andrea Guaran, La mont furlane)
Sin. cjamp
-
sorte di plante semenade e fate cressi:
la viticulture di vuê in Friûl e je specializade, no son cuasi plui i vignâi promiscuis dulà che si praticavin ancje altris culturis, tant che pomârs, ortaiis, cereâi (Enrico Peterlunger, Storie curte de vît in Friûl)
-
sostance derivade di escrements animâi o otignude cun procediments chimics che e ingrasse la tiere e che e fâs che lis plantis a cressin miôr:
o ai menât trente cjars di culture par semenâ il forment (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. colt
, ledan
-
s.f.
(fig.)
arlevament di piçui animâi:
ma al è coventât une vore di timp par meti in vore inovazions tant che gnovis rotazions agrariis, plui atenzion ai vignâi, jutoris ae culture dai cavalîrs, miorament dal patrimoni zootecnic e ûs dai fertilizants chimics (Walter Tomada, Di contadins a imprenditôrs, ma tocje fâ simpri di bessôi)
Sin. arlevament
-
s.f.
complès des cognossincis inteletuâls e des nozions che si cjapin sù cul contat cun chei altris, imparant tradizions, studiant e v.i.:
fâsi une culture;
la pluralitât dai furlans di cualchi culture, ma che no àn tignût daûr ai progrès dai studis di linguistiche in chescj ultins cincuante agns, si tegnin inmò tacâts a la opinion dal Ascoli [de unitât ladine] (Josef Marchet, Autonomie e lengaç);
a vevin fondât sfueis di culture e di politiche che si scrivevin dome in lenghe furlane, Patrie dal Friûl prin e Int Furlane (Adrian Cescje, Memoriis di politiche linguistiche)
Sin. cognossince
, dotrine
, educazion
, formazion
, istruzion
, savê2
-
s.f.
complès di pratichis e cognossincis coletivis che a caraterizin une civiltât, une societât, un grup sociâl e v.i.:
tal Votcent la Europe e vîf une gnove clime di atenzion pes manifestazions de culture popolâr (Federico Vicario, Documents de Ete di Mieç pal studi dal furlan antîc);
cheste e je la vere unitât: ognun salvâ e vivi la proprie culture e rispietà, studiâ, cognossi e imparâ da la culture di ducj chei altris (Riedo Pup, Fûr che al vegni cui che al è stât);
di pôcs agns, si à cjatât plui provis de presince de culture di La Tène in Friûl, plui di dut in Cjargne (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl);
la culture siamaniche dai vuaridôrs al è probabil che e fos stade ae origjin des pratichis medichis dai asclepiats elenics (Adrian Cescje, Viaç aes origjins dal Logos)
Sin. civilizazion
, civiltât
-
s.f.
produzion creative o patrimoni materiâl o imateriâl che a derivin di chês cognossincis e tradizions:
Onde Furlane e jere inovative: dal pont di viste metodologjic parcè che e jere une radio che e produseve culture (Max Mauro, Un Friûl difarent: i 90 mhz di Onde Furlane)
