crep1
/-è-/
crep
[AF]
-
s.m.
arzile lavorade e cuete:
bevi tal stifal di veri, tal crichil di crep (Dino Virgili, La aghe da pît la cleve);
un calamâr di crep cul ingjustri suiât e cu la pene di ocje impirade (Pieri Somede dai Marcs, Pre Josef)
-
(fig.)
materiâl, composizion, struture o nature che si puedin rompi cun facilitât:
al diseve il puar plevan vieli che si è ducj di crep e di un moment al altri si po cjatâsi a flics (Josef Marchet, Lis predicjis dal muini)
-
s.m.
spec. tal pl., ogjet, soredut plat, pignat o altri recipient pe cusine, fat di chel materiâl:
e à molzût e a pene tornade de latarie e vê lavât i creps de cene, e je lade sù a durmî (Maria Forte, L'aventari pal barcon);
la «cjase», chê che cumò a clamin «cusine», uniche stanzie de vite cuotidiane, e jere furnide di spolert, taule, seglâr cui cjaldîrs pe aghe, vetrine par meti vie chei pôcs creps e padielis dal mangjâ (Roman Michelot, La cjase dai contents)
-
s.m.
toc rot di alc fat cun chel materiâl:
i modons a finivin sparniçâts tune pestadice di savalon e di creps (Maria Forte, Cjase di Dalban)
-
[BF]
sclapadure in alc di chel materiâl che si romp:
chest cjadin al à un crep (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. sclapadure
, crevadure
, fressure
-
s.m.
(fig.)
toc rot di cualsisei robe, ancje imateriâl:
par Elar la lenghe furlane le varessin di salvâ i poetis, che ore presinte però a mancjin, e inalore no si salve plui. La lenghe furlane cumò e je fate di rotums e creps, al dîs (Adrian Cescje, Memoriis di politiche linguistiche)
Sin. toc1
, rotum
, cricum
, rudinaç
-
robe o ancje persone mâl metude:
tra il curtîl de cjase di Enore e chel di Rose, al jere dome che un crep di mûr (Gianni Gregoricchio, Îr e doman);
il plevan al veve une Francescje ancje lui, che chel crep di Perpetue che al mantignive in canoniche le veve za vonde sfrutade (Meni Ucel, Pensâ mâl)
Sin. crodie
, clostri
, catan
Proverbis:
- cui che al à cits al à ancje creps