rudinaç
/-àç/
ru|di|naç
[AF]
-
s.m.
toc di mûr o di costruzion sdrumât:
parmìs dal palût al jere il Mulinat sdrumât e jenfri i rudinaçs a cressevin bârs di jarbaçs (Dino Virgili, La aghe da pît la cleve);
si trate di fâ subit ce che si rive cence imprescj mecanics, tirant fûr dai rudinaçs personis e robis restadis sot (Igor Londero, Cuintristorie dal taramot)
-
(fig.)
spec. tal pl., costruzion une vore malmetude ma ancjemò no sdrumade dal dut:
cuatri rudinaçs che a stavin sù par miracul (Carlo Tolazzi, La salamandrie tal fûc)
-
s.m.
(fig.)
persone o robe ridote une vore mâl:
no sai ce vite che al à fate in chescj trente agn, che o lu vevi piardût di viste. Ma usgnot mi soi viodût denant dai voi un peçot, une scovacere, un rudinaç, che nancje no lu cognossevi gjo! (Josef Marchet, Lis predicjis dal muini)
-
s.m.
(fig.)
cundizion di distruzion, di disfasiment:
chel che al varès impuartât al jere che cheste altre Italie, vignude fûr dai rudinaçs da la Italie Litorie, […] e fos stade propit une altre (Josef Marchet, La cotule imblecade)