contat
/-àt/
con|tat
[FO]
-
s.m.
il fat che doi ogjets o personis si tocjin:
Alessandro Volta al veve anticipât i timps cu la sô teorie su lis corintis eletrichis origjinadis dal contat tra metai di specie chimiche diferente che intal 1799 lu à puartât a inventâ la pile eletriche (Lorenzo Marcolini, Lis celis organichis nanostruturadis);
[il pas] in ultin si ferme sul contat dal sghinc su la bancje (Franco Marchetta, Madalene)
-
il fat che dôs robis ancje astratis a vedin une cualchi relazion:
imparâ il furlan al vierç il cjâf al contat ancje cun chês altris culturis (Walter Tomada, Pierluigi Cappello: «L’om plui concret? Il poete»)
-
s.m.
rapuart che al nas jenfri personis o comunitâts:
o pensi che cun tancj miei amîs di scuele il contat si pierdarà i prins di Jugn (AAVV, Sul florî);
i contats che a jerin za in vore tra diviers di chescj e la ALE a deventin plui strents e plui fuarts e a puartin ae adesion de plui part di lôr ae Aliance (Marc Stolf, Corsiche, Scozie, paîs Basc, Catalogne, Friûl… Europe);
la benedizion des fameis al jere un mût par cognossi i gnûfs nîts, saludâ i vecjos e cirî un contat jenfri la glesie e la int (Antoni Beline, Pre Pitin)
Sin. amicizie
, amistât
, cognossince
, familiaritât
, leam
, rapuart
, relazion
-
persone cognossude, che e pues in cualchi maniere judâ o colaborâ:
al è plui facil cjapâ la strade che ti puarte dulà che tu âs za amîs, un contat come che al è chi in Ontario dulà a son tancj Furlans (Christian Romanin, Sandra Pizzolitto Pupatello: «Furlan is better! Il Friûl? La puarte de Europe pal Canadà»)
-
s.m.
gjeol.
pont o linie di incuintri jenfri dôs diviersis formazions di cret:
[lis dolomiis caruladis] a rivin in superficie tal cuel di Preon e dilunc de Seace la che a son in contat tetonic cu la Dolomie di For (Francesco Gobbo, Gjeologjie e paleontologjie ator di Preon)
-
s.m.
eletr.
condutôr che al vierç o al siere un circuit eletric
Sin. contat eletric
-
(fam.)
passaç de corint eletriche par un circuit là che no varès di passâ o cuntune fuarce che e fâs un vuast:
il contat al fâs saltâ l'eletric, al sune l'alarme (Ivano Urli, Storie di Min)
-
s.m.
[TS]
telev.
unitât par misurâ la scolte de television, dade dal spetatôr che al viôt par almancul un minût un spetacul
-
s.m.
[CO, TS]
inform.
colegament di un utent cuntun sît web o cuntun so contignût:
sîts internet di informazion che a viazin sui 300 mil contats al mês (William Cisilino, La lezion catalane)
Sin. colegament
, visite
, visualizazion
-
s.m.
[CO, TS]
inform.
tal pl., sezion di un sît web dulà che si segne la direzion, la direzion di pueste eletroniche, il numar di telefon e v.i. par comunicâ cui titulârs dal sît
-
s.m.
gjeom.
pont là che dôs curvis che si incuintrin a àn une tangjente comune
Polirematichis e espressions idiomatichis