colegament
/-ènt/
co|le|ga|ment
[CO]
-
s.m.
il colegâ, il colegâsi, il meti o il metisi in contat, in comunicazion e il lôr risultât:
in ogni lûc al po nassi un grop di amîs che si cjatin, che a resonin e po a mandin i consens o la critiche (intindìnsi: positive) al "Cjavedâl" che al è il centri di colegament (Josef Marchet, Moviment Autonomist Furlan pe Federazion dai Popui)
-
mieç, strument, element che al covente par colegâ, par meti in contat o in comunicazion:
maestrancis ancje furlanis a jerin daûr a completâ i colegaments feroviaris par la Cine (Max Mauro, Un Friûl difarent: i 90 mhz di Onde Furlane)
-
s.m.
milit.
contat continui tra i reparts militârs:
al jere stât convignût, par mieç di un uficiâl inglês di colegament, il significât segret di ogni frase e cussì i partesans dal Nord Italie a podevin savê ce che a vevin di fâ par judâ la avanzade americane e inglese (Roberto Ongaro, Il muc);
"No si pues fâ nie! O sin circondâts! O vin pierdût ancje il colegament cun Paulus, il nestri IMPERATOR, il comandant di dutis lis legjons […]" (Checo Tam, Sense)
-
s.m.
eletr.
union dai elements di un implant che al permet il passaç di corint:
"Ehi, Garps, ancjemò un colp cun chê di prin, intant che o cambii i colegaments dal brustulin! (Stiefin Morat, Donald dal Tiliment)
Sin. conession
-
[TS]
telecom., inform.
comunicazion o passaç di dâts a distance:
in gracie dai colegaments telefonics, dai studis di vie Trep la trasmission si sposte sul teritori (Oscar Puntel, La Cjargne in radio di 28 agns);
il colegament al ven garantît di une rêt Wi-Fi (Alex Olivetto, Internet a gratis cul Wi-Fi)