conession
/-òn/
co|ne|ssi|on
[AF]
-
s.f.
leam, materiâl o imateriâl, tra plui robis, elements, ideis, realtâts e v.i.:
al esist un tierç labirint, il rizome o rêt, che al amet dut intun infinîts arbui, e infinîts trois, par vie che ogni pont o grop al è in conession cun cualsisei altri pont (Mario Turello, Il brevet);
oh se tu savessis, in ce miracolosa conession che son fra di lôr lis cjossis ca jù! (Zuan Luîs Filli, Il farc);
si son interotis lis conessions ae rêt idriche esterne (Alessandro Pascolini, Il disastri de centrâl nucleâr di Fukushima Dai-ichi)
Sin. atinence
, colegament
, concuardance
, interconession
, interrelazion
, leam
, rapuart
, relazion
, riferiment
, union
, associazion
-
s.f.
acès a une rêt informatiche, comunicazion midiant di une rêt informatiche:
terminâi simpri plui diviers e complès (PC, telefon fis o mobil, iPod, iPad, televisôr…) che a comunichin cun altris terminâi o cun grancj elaboradôrs midiant de conession in rêts locâls (LAN) o rêts gjeografichis (WAN) (Valentino Castellani, La societât de informazion: cirint lis origjins)
Sin. colegament