familiaritât
fa|mi|li|a|ri|tât
[CO]
-
s.f.
relazion di confidence di cui che al è di famee o di cui che si trate come se al fos di famee:
"Alore mi impuarte di no fâ capî ae int che lui al mi trate cun masse familiaritât. Ciartis libertâts di un zovin e podin danezâ une frutate" (Bruno Paolo Pellarini, L'anel striât)
Sin. confidence
-
s.f.
atitudin sigure di cui che al à a ce fâ cun alc che al è ben cognossût e praticât:
scrivi alc par furlan fin dai prins agn, creâ sui bancs de scuele publiche un fregul di cognossince e di familiaritât cu lis dificoltâts de nestre lenghe (Josef Marchet, Dome un rimiedi par salvâ il furlan: insegnâlu tes scuelis);
il contadin che al dave la idee di vê vût familiaritât cun chei imprescj (Franco Marchetta, Il numar 1089)
Sin. confidence
, pratiche
Cfr. man
-
s.f.
[CO, TS]
med.
presince di une carateristiche o di une patologjie in plui personis di une stesse famee, ma no in dutis, cun passaç no sigûr o sistematic di une gjenerazion in chê altre
Cfr. ereditarietât