confidence
/-dè-/
con|fi|den|ce
[AF]
-
s.f.
il vê di fiducie e il vierzisi cun cdn.:
al fevelave pôc e nol dave confidence a dinissun (Pieri Menis, Une letare par Bepo);
i amîs di une volte no vevin plui chê confidence di prime e no si tratavin cun chê libertât e cun chê degnevulece (Dino Virgili, Cjase Basse);
no podeve pandi il so maljessi, par pôre di no sei capide e pe pocje confidence che e veve ancjemò cun lui (Franca Mainardis, Il sium di Lissandri)
Sin. intrinsichece
, familiaritât
, bitince
Var. confidenzie
, cunfidence
, cunfidenzie
-
pratiche, sigurece che e ven dal cognossi ben alc:
zîrs che si slargjavin simpri plui cu la confidence che si cjapavin de strade (Alan Brusini, Par stradis lungjis);
il so fevelâ al jere di un in confidence cui libris (Maria Forte, La tiere di Lansing)
-
compuartament che al mostre fiducie, familiaritât:
no i lavin trop a plomp chês confidencis, ma la sô muse no pandeve nuie (Maria Forte, Dome la cjampanute di Sant Bortul);
no vuei che tu vebis tantis confidencis cun Baldùs (Dino Virgili, La aghe da pît la cleve)
-
s.f.
informazion pandude in privât a cdn., intindint che chel cdn. no le pandarà ator:
un baratâsi di confidencis par confuartâsi (Maria Forte, Il Bide di Miot);
dopo scuasi doi agns di confidencis, di segrets, dai nestris segrets, no sâstu dîmi nuie plui di cussì? (Pieri Somede dai Marcs, Un pugn di moscjis)
Proverbis:
- la trope confidence e fâs mancjance di rispiet
- tante confidence a fâs pierdi la riverence