Dizionari de Lenghe Furlane

brene¹  /brè-/  bre|ne  [AF]

1. s.f. ognidune des cenglis che si doprin par direzi une bestie di tîr o cuant che si va a cjaval:  e jere za sentade sul caretin, dongje il barbe Tite che al strenzeve fuart la scorie e lis brenis par tignî fer il cjaval (Maria Forte, Cjase di Dalban); Gjigjon al de un tiron ae brene e i mûi si fermarin (Dino Virgili, Il cjaradôr des animis)
   Sin. redine¹
   
   1. cengle singule che e je fissade tal smuars dal cjaval, par menâlu cjaminant dongje:  leadis lis redinis su la comatele e cjapade la cjavale pe brene, al jentrà dal stradon ta chê campagne (Pieri Somede dai Marcs, La braide)
      Sin. cjavece
2. s.f. (fig.) autoritât, fuarce o podê di tignî controlât, di comandâ, di contignî e v.i.:  il so dolôr al cresseve par chel no sintîsi bon di strenzi in man la brene de famee (Maria Forte, Mabile la Lunghine); [Marquart di Randeck] al tignì duris lis brenis dal guviar (Josef Marchet, Cuintristorie dal Friûl fin sot la Italie)
   Sin. redine¹
   Cfr. tamon , stangje , strop , strope , scorie

Polirematichis e espressions idiomatichis

• a brene vierte loc.av.
• butâ lis brenis sul cuel loc.v.
• molâ la brene loc.v.
• tignî a brene loc.v.

Proverbis:

• al è miôr tignîlu pe brene che no alçâlu pe code