scorie
/-ò-/
sco|ri|e
[AF]
-
s.f.
imprest fat di une cengle o cuarde lungje, cun mani o cence mani, pal solit di len, par dâ jù o par parâ indevant, soredut lis bestiis, ancje dome cul sun:
al montà sul cjar e al sflochetà la scorie. "Gjiâ Temul, gjiâ Flôr!" (Dino Virgili, La aghe da pît la cleve);
plui di dut i plaseve di lavorâ tai cjamps, partî a buinore cui cjavai fasint sflocâ la scorie, tignî il vuarzenon a rompi, seâ prâts cul codâr picjât daûr dal cûl (Pieri Menis, Sul agâr)
Cfr. stomblarie
, scorein
, sclopet
, sclopetin
, scjochetin
, stombli
-
s.f.
(fig.)
dissipline o autoritât o maniere di fâ o espression dure, violente:
Vigji Scuete al è paron magari di spudâ in ghigne a dute la coiarie; al è paron di menâ la scorie, cun dut il stombli, pe schene de puare int che e sint e e tâs (Josef Marchet, Lis predicjis dal muini)
Sin. baston
, stangje
, stombli
-
s.f.
(fig.)
robe lungje e fine:
un sterp di rosis salvadiis, che al cjadeve in scoriis e in ghirlandis jù dal rivâl (Catarine Percude, Lis âfs)
Proverbis:
- il Signôr al à la scorie lungje e al rive pardut