Dizionari de Lenghe Furlane

cjavece  /-vè-/  cja|ve|ce  [AF]

1. s.f. furniment che al covente par tignî pal cjâf un cjaval o une altre bestie di stale:  il cjaval che al scalçave par parâsi des moscjis, al çonconave par tiere cu la gjambe e di tant in tant al dave un tiron cul cjâf come se al ves volût rompi le cjavece (Pieri Menis, Chei di Muraie)
   Sin. brene¹
2. s.f. (fig.) capacitât o pussibilitât di tignî alc o cdn. sot dal so podê, di tignî controlât:  meti lis jurisdizions feudâls tes mans di umign de Glesie par no che deventassin ereditariis tes fameis dai Conts e par podê tignî leâts cun cheste cjavece vescui e abâts (Josef Marchet, Lis predicjis dal muini); la so famee e jere famee di bogns parons, ma cognossint il so temperament lu tignivin pe cjavece e di bêçs a 'nd scuarzevin pôcs (Pieri Somede dai Marcs, La ultime baronade)
3. s.f. [TS] agr. spec. tal pl., fasse da cjâf dal cjamp:  a pene rivât su lis cjavecis de braide, al dismontà de carete (Pieri Somede dai Marcs, La braide)
   Sin. cjaveç , cjaveçâl , frunts

Polirematichis e espressions idiomatichis

• rompi la cjavece loc.v.
• tignî pe cjavece loc.v.

Proverbis:

• i bûs si ju lee pe cjavece, i oms pe lenghe
• miôr tignîlu pe cjavece che no alçâlu pe code