Dizionari de Lenghe Furlane

çavatin  /-ìn/  ça|va|tin  [CO]

1. s.m. [BF] (ancje spres.) cui che al fâs o che al vent çavatis o in câs altris cjalçaduris:  la domenie si viôt su la place dai grans une espusizion di çavatis grandis e piçulis che je propit une maravee. Cuant che al plûf po, chei çavatins si tirin cu la lôr mercanzie sot i puartis di Antivar (Guido Antonioli, Florean dal Palaç, I, 39)
   Cfr. cjaliâr
2. adi., s.m. (fig., spres.) che, cui che al lavore mâl, ancje tant che ofese gjeneriche
   Sin. brodegon , sclapeçocs , mestri fufigne , fufignot , intrighemistîrs , stripiçon , slapagnot , sbrodegon , çavaton , dissipevoris , dissipemistîrs , dissipevore , dissipemistîr , dissipon
3. adi., s.m. (spres.) che, cui che al è di citât, tipic di cui che al è di citât:  no voleve inmalâju di creance, ni sglonfâju di smorfieçs çavatins (Maria Forte, Cjase di Dalban)
   Sin. citadin
4. s.m. (pop.) sorenon de int di plui localitâts, tant che Udin, Gonârs, Ospedâl
   Cfr. çavatâr
5. s.m. (pop.) dialet di fate venite fevelât a Udin soredut tra la fin dal Votcent e il Nûfcent:  il dialet venit de capitâl dal Friûl si dîs “cjacarâ çavatin”, anzit savatin (Enos Costantin, Tai pîts dai furlans)
   Sin. dialet
   Cfr. meneghel , venit