tonâ
to|nâ
[AF]
-
v.intr.
impers., produsisi dal sunsûr dal ton:
In chê sere al veve ben tonât e scravuaçât, ma tempieste, graciant Idio, no 'nd ere stade (Giovanni Gortani, A la sagre di Mion);
i vints son in contrast, e al lampe e al tone (Pieri Çorut, Il Strolic furlan par l'an 1833)
-
v.intr.
fâ sunsûr fuart che al somee chel dal ton:
e Catinuta a sint tonâ al canon (Ugo Pellis, Catinuta);
'Sef dai Sors al tone cul tambûr e al rintrone parmìs Filip cul trombon (Dino Virgili, La aghe da pît la cleve)
Sin. businâ
-
v.intr.
rompisi di bot, cun violence e sunsûr, par vie de masse pression, soredut par vie di un esplosîf:
il puint [minât dai soldâts] al veve tonât e si jere fruçonât, par aiar, a tocs di ciment e di cristians (Maria Forte, Cjase di Dalban);
cualchi cassele di munizions e veve cjapât fûc e tonât (Roberto Ongaro, Il muc)
Sin. dâ un sclop
, dâ un ton
, molâ un ton
, petâ un ton
, sclopâ
, esplodi
Cfr. spreçâ
, spreçâsi
, trai
-
v.intr., v.tr.
dâ un o plui colps fuarts, bati cuntun o plui colps fuarts:
i pas incorints e il tonâ imburît dal cûr (Dino Virgili, La aghe da pît la cleve)
-
v.intr., v.tr.
(fig.)
fevelâ cun fuarce, ancje in maniere autoritarie o menaçose:
il plevan, zaromai monsignôr, al tonave la ire di Dio sul cjâf dai "sacrileghi, assetati di sangue" che a profanavin lis glesiis e che a cjapavin a sclopetadis lis statuis de Madone e di nestri Signôr (Gianni Gregoricchio, Îr e doman);
a vigneva da scrupulâ cemont che a varès pudût zî indenant la sô cjasa adès che lui a nal era uì a tonâ «I vuei» e «I na vuei» (Novella Cantarutti, "Inemorato io son di te")
Sin. businâ
, cataligâ
, scampanotâ
, tamburâ
, vosâ
, vosonâ
-
v.intr.
(fig.)
mostrâsi o sucedi in maniere imburide:
il cjalt, cuant che al rivave, al tonave a colp, di vuê al doman, cence vê rispiet dai sfueis dal lunari (Franca Mainardis, Aiar di cjase)
Sin. sclopâ
, spreçâ
, dâ sù
Proverbis:
- cuant che al tone, o ploie o tampieste
- se al tone il dì di Sant Zorç, dutis lis coculis a van te cort