svol
/-ò-/
svol
[AF]
-
s.m.
azion di svolâ, di movisi tal aiar fasint cuintri ae fuarce di gravitât:
i prins svoi di uciei che si corin daûr inamorâts (Mario Martinis, Il grant lunari dal Friûl. Fevrâr);
la associazion "Volo Libero Friuli" e inmanee sul Lât di Cjavaç "Acromax", gare internazionâl di svol acrobatic (Piero Cargnelutti, Tantis oportunitâts par dâi un futûr di svilup al Lât)
Var. svual
, svuel
, svûl
, svolt2
-
s.m.
scjap o cuantitât di uciei che a svolin:
tal cîl di sot sere al jere dut un svol, un incrosâsi e zirlâ par aiar di sisilis (Ivano Urli, Sisilis)
-
s.m.
viaç fat di un mieç di traspuart che al svole o intun mieç di traspuart che al svole:
Viene e reste il principâl centri di conession pe Europe orientâl cun 45 svoi (Janez Erat, Svilup dal trafic aeri tal 2009)
Sin. viaç
-
s.m.
(fig.)
moviment svelt e lizêr:
la chelare i lave dongje di un svol, i poiave une man su la spale e si disbassave a scoltâlu cu la muse dongje de sô (Dino Virgili, La aghe da pît la cleve)
-
s.m.
(fig., ancje scherç.)
azion di colâ o di sbrissâ:
o precipitarin ducj i trê tune stanzie sot tiere. Un svual di trê metros (Checo Tam, Sense)
Sin. colade1
, marcule
, plombe
, repeton
, ribalton
, rondolon
, rondule
, salt1
, sbrissade
, tarombule
, tombule
, voltolon
, zup1
-
s.m.
(fig.)
moviment libar, dal pinsîr, de anime e v.i., che al puarte adalt:
mi dulin lis maluseriis, mi dûl il mâl di vivi cence un svol, cence un rimpin, un ripieç, un toc di cuarde par saltâ fûr dal poç di vueit dulà che o soi sprofondât (Gianfranco Pellegrini, Il tren)
Polirematichis e espressions idiomatichis
