Dizionari de Lenghe Furlane

svariâ  sva|ri|â  [CO]

1. v.tr. fâ cambiâ, fâ jessi diferent o componût di elements diferents:  une dì si jere azardade a dîi di svariâ un pôc di plui [la musiche] (Maria Forte, La cjase dal Murat)
   Sin. cambiâ , mudâ , variâ
2. v.tr. dâ une distrazion, un divertiment:  [la imprese dal balon] e svarie la int, le stravie dai problems, le libere dai fastidis (Riedo Pup, Balon: crodi, ubidî e paiâ); [i amîs] a stevin li cun lui, a cirivin di svariâlu cun discors, bevi une tace, fâlu tornâ di ca (Alan Brusini, Par stradis lungjis)
   Sin. straviâ , distrai , divertî , svagâ , sbaldî
3. v.tr. fâ pôre, fâ scjampâ
   Sin. scaturî , spaurî , sviersâ
   
   1. fâ lâ fûr dal stât razionâl normâl, fâ pierdi il control:  "Nô no savìn cetant che al po, su di nô, ancje il moment che al passe e nus svarie e nus travuelç. O crodìn di sei nô i parons dai nestris fats e, invezit, a son tantis lis fuarcis che a fasin jeve sul nestri pensâ e a movin la nestre disfurtune" (Maria Forte, La tiere di Lansing)
4. v.intr. jessi o deventâ diferent o componût di elements diferents:  biel in dutis lis stagjons il bosc! Che al svarie ancje se al sta fer, e al è misteriôs e clâr tal stes timp (Maria Forte, Cjase di Dalban)
   Sin. cambiâ , mudâ , variâ
   
   1. vê variazions, presentâsi in maniere diferente:  si pues viodi [...] cetant che al svarie il non di une plante di un paîs a chel altri (Sandri Secco dai Juris, Il jacint salvadi)
5. v.intr. pierdi il stât di cussience razionâl o pierdi il control:  si sintive scunît e i pareve di svariâ cul sintiment (Maria Forte, La tiere di Lansing)
   Sin. svariâsi