studiâ
stu|di|â
[FO]
-
v.tr.
(ancje ass.)
imparâ cul jutori di libris, lezions e v.i.:
o ai studiât francês e o mastii ancje il latin (Checo Tam, La maree nere);
o passi lis zornadis a fâ compits, a studiâ e, par straviâmi, o cjali la television (AAVV, Sul florî)
Cfr. imparâ
-
v.tr., v.intr.
frecuentâ cun regolaritât un cors di studi:
o ai podût studiâ e rivâ fin a la lauree. Chel di scuelâmi al jere simpri stât il balin di gno pari (Gianni Gregoricchio, Trê feminis);
«Gno fradi» ur veve dite, «al studie di perît, i mancje pôc» (Alan Brusini, Par stradis lungjis);
o ai studiât filosofie a Milan ae Universitât Catoliche di Milan (Dree Venier, «No esistin piçulis leteraturis»)
-
v.tr.
fâ ricercje suntun ogjet di studi:
la gjenetiche e je une des fondis par studiâ la biologjie umane (Franc Fari, Il cjâf dai furlans)
Sin. osservâ
, scrusignâ
, scrutinâ
-
considerâ cdn. o alc par valutâ, par fâsi une opinion e in câs cjapâ decisions:
il confin al è stât studiât pas par pas, dai sorestants de politiche e segnât dai stâts maiôrs des fuarcis vitoriosis (Josef Marchet, La man e la arme);
intant stait cuiets, calmaitsi, po studiarìn la cause, fevelarìn cul judiç e viodarìn (Pieri Somede dai Marcs, L'avocat e la luianie);
te prime lûs Pauli, studiant il teren denant di se, al veve vualmât trê rus muarts a mieze strade viers il flum (Agnul di Spere, Cjalant la rive)
-
v.tr.
preparâ prime de realizazion o aplicazion:
jo e pre Nocent si semee el grant Napoleon cuant che al jere daûr a studiâ el plan strategjic par concuistâ la Prussie (Arturo Feruglio, Viaç a Vignesie);
cualchidun al è daûr a studiâ une riforme burocratiche (Josef Marchet, Devantdaûr);
il tribunâl si ritire par studiâ la sentence (Pieri Piçul, Vieri e gnûf)
Sin. burî fûr
, cirî fûr
, ideâ
, progjetâ
, pensâ
-
impegnâsi par fâ alc:
la studiavin di doprâ chel rem e mieç che gji jera restât, par no lassâsi puartâ da lis ondis in precipizi (Federigo Comelli, Il me paîs);
si jeve e al dîs che al studie di cjatâ un franc (Stiefin Morat, Donald dal Tiliment)