Dizionari de Lenghe Furlane

stuarzi  /-à-/  stuar|zi  [AF]

1. v.tr. fâ che alc nol vedi plui une forme o une posizion drete o verticâl o orizontâl o regolâr o sim.:  [par fâ i schîs] si cjapavin dôs breis di len e par fâ la ponte si lis stuarzevin intal sîr cjalt (Manuela Quaglia, E ven jù che Diu le mande); un riduçâ amâr i veve stuarzût i lavris (Gianni Gregoricchio, Îr e doman)
   Sin. pleâ , arcâ , inarcâ , sgobâ
   
   1. pleâ cun fuarce une part dal cuarp, ancje di plui di ce che une articolazion e permet, ancje fin a rompi o discuinçâ un vues
2. v.tr. [TS] tess., artes. (ancje ass.) fâ sù fibris te filadure:  lis tiradressis di file, te stale, dutis lis macis di Zenâr, a impararan, cu lis mans des vielis, a fâ la scovolade, a trasi, a stuarzi sul filadôr… (Dino Virgili, La aghe da pît la cleve); e filave cjanaipe o lane, cul so spiçot impirât fra cotule e grumâl, cu la gurlete e stuarzeve e e dopleave i fîi, cu la daspe e faseve sù acis e acis (Pieri Menis, Chei di Muraie)
   Sin. intorteâ , intortolâ
3. v.tr. (fig.) fâ che alc al deventi o al somei o al sedi considerât il contrari di ce che al è o une vore diviers di ce che al è:  fortunâts i puars…, fortunâts chei che a vain… fortunâts chei che a son perseguitâts… Ce volevial dî? Volevial propit stuarzi dut? (Francesc Placerean, I furlans a àn di preâ te lôr lenghe par cuistions di religjon e di dignitât)
   Sin. voltâ , rivoltâ , ribaltâ , savoltâ

Polirematichis e espressions idiomatichis

• stuarzi il nâs loc.v.

Proverbis:

• bisugne stuarzi la tuartie fin che e je frescje