arcâ ar|câ [CO]
- v.tr. pleâ in forme di arc: lis puaris bestiis a arcavin la schene tal sfuarç (Dino Virgili, La aghe da pît la cleve); al çusse cul cjâf arcant lis ceis (Franco Marchetta, Madalene)
- v.tr. meti in tension o prontâ un dispositîf, soredut une arme, par che al puedi funzionâ: puarta il fusîl pront, però sença arcâ il marcjel di percussion (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera); al si impense di ve l'arcabûs su la spale, e par un cualchi finâl l'à pûr di vêlu puartât cun se; lu tire jù, lu arche, lu ponte cuintre il lari (Giovanni Gortani, La sbigule - Une gnot tun broili)
- v.tr. distirâ, slungjâ une part dal cuarp tignintle in tension: arcâ il braç (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
- v.tr. (fig.) robâ, puartâ vie: mi àn arcade la cjalderie (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
