sotet
/-èt/
so|tet
[AF]
-
s.m.
(ancje fig.)
puest cuviert dulà che si pues parâsi, passâ un pôc di timp, durmî o ancje jessi a stâ:
la ricostruzion no podeve sei dome la costruzion di un sotet pe int, che al fos cualsisedi sotet; la costruzion e veve di sei une ricostruzion, des cjasis, des glesiis, dai paîs te dimension di une identitât […] (Adrian Cescje, Memoriis di politiche linguistiche);
se e ven une slavinade o cirarai un sotet o un ripâr (Carlo Sgorlon, Il dolfin);
la provedence e veve cjatât ancje par nô un sotet e un puest di fâ un sclip di ben, mostrantnus ancjemò une volte che in chest mont al è puest par ducj (Antoni Beline, Pre Pitin)
Cfr. ripâr
, ricès
, cuartîr
, cjase
, lozament
-
ambient, spazi di une cjase juste sot dal cuviert:
lis cjamaris adalt e parsore il cjast, tal sotet (Roman Michelot, La cjase dai contents);
e rive ancje sore la colmace dai cavalîrs che il pai al ten a miezis cun paron Gjovani tun sotet in vie Sante Marie (Ivano Urli, Storie di Min)
Cfr. cjast
, solâr1
, bastart
-
av.
sot di un cuviert:
il biel al è che il lavôr fat sotet nol contave. Al jere un onôr e un plasê podê lavorâ al ripâr! (Angelo Covazzi, Jacum in tribunâl par un piçut di fen)
Sin. a sotet
-
(fig.)
intune cundizion parade, protete:
o metarìn sù une galete di amôr ator di nô e chê galete nus tignarà sotet par simpri (Agnul di Spere, Chê dì che al neveà a Vignesie)
-
adi.inv.
juste sot dal cuviert, tal cjast:
a Vignesie o vevin fitadis trê cjamarutis sotet (Gianni Gregoricchio, Trê feminis)
Polirematichis e espressions idiomatichis
Proverbis:
- cuant che al cjante il furmiâr, cirît sotet pes bestiis e pal cjar
- il solt che si cjape a sotet al è un solt benedet