solâr1
so|lâr
[AF]
-
s.m.
plan orizontâl che al fâs di paviment par une stanzie disore e di sufit par une stanzie disot:
pes sfesis dal solâr carulît, cul soflet dal aiar, al ven jù ancje il remenadiç des pantianis (Pieri Somede dai Marcs, Dure leç)
Var. salâr
-
plan bas di une stanzie o di un ambient o di une struture, soredut di breis di len, ancje se sot nol è nissun altri ambient:
cjaminâ sui solârs di bree lustrâts (Dino Virgili, La aghe da pît la cleve);
si sint un talpassâ sul solâr de cusine (Meni Ucel, La ombrene);
o ai fevelât cul marangon par che al meti jù il solâr dal mezât (Maria Forte, La tiere di Lansing)
Sin. paviment
-
paviment di cualsisei materiâl:
e parave fûr de cusine la aghe che e veve lavât i lastrons dal solâr (Pieri Menis, Il forest);
al jere un sottiere cul sofit a volt reâl e il solâr di modons (Amedeo Giacomini, Tal ospedâl)
-
s.m.
spazi jenfri l'ultin plan di un edifici e il cuviert:
cuant che nol veve ce studiâ, al jere saldo inte cjanive o sul solâr (Maria Forte, Cjase di Dalban);
di bessôl al cjapave sù un cuintâl di forment, sal butave su lis spalis e lu puartave sul solâr cence scomponisi (Pieri Somede dai Marcs, Nardon e Vigjute di Nani)
Sin. cjast
, bastart
, sofite
-
(fig.)
il cjâf, tant che capacitât di resonâ:
o sarai ancje sfolmenât, ma il solâr mi funzione ancjemò! (Stiefin Morat, Donald dal Tiliment)
Sin. cjâf
, cerviel
, cjast
Proverbis:
- fin che al è viert il solâr di Crist, cui che no si inzegne al è trist
- la nêf daspò Nadâl no fâs solâr
- la nêf denant Nadâl e fâs solâr