bastart
/-àrt/
bas|tart
[AF]
-
adi., s.m.
(spres.)
fi di une union no legjitime:
ti dîs jo ce che ti vuaste sul stomi! Al è un bastart, no mo sì? Un bastart! E ce colpe aial lui di chest?… Isal forsit diferent di un altri, un bastart? Ancje lui al à une mari… e se il pari lu à lassât, lui nol à colpe (Pieri Menis, La maghe no fale);
"Cui isal? Dimi cui che al è… Dimi cun cui che tu sês stade, sdrondine di une petroce! che jo tal gjavi de madrasse cu lis grifis, chel bastart!…" (Dino Virgili, La aghe da pît la cleve)
Sin. ilegjitim
, mûl
, naturâl
-
adi., s.m.
di bestie o plante, nassude di un incrôs di razis diferentis:
il cjan di Lise, un bastart lupin, lu cognosseve inmò di cuant che al vignive a cjatâle a la lûs dal dì e alore no i baiave (Roberto Ongaro, Il muc);
un cjanut bastart di mil etis (Pieri Somede dai Marcs, La bandiere)
Sin. miscliç
, miscliçât
-
adi., s.m.
tant che titul di ofese o di dispresi, in sens une vore larc:
"Bastart! Bastardat di un contadin!" al tacà a berlâ. "Tu, ruvinâ mê fie?" (Gianni Gregoricchio, Trê feminis);
ve Comelians, piçul borc, / paîs bastart e sporc / sgnacât intun slarc dal Dean (Giorgio Ferigo, Ve Comelians, piçul borc);
la machine bastarde slosse no va! (Stiefin Morat, Donald dal Tiliment)
Sin. carogne
, fi di putane
-
adi.
(fig.)
no pûr, contaminât o misturât:
a Udin e a Gurize si sint a fevelâ dialets bastarts (Josef Marchet, La fuarce dal nestri lengaç)
Sin. miscliç
, miscliçât
, bastardât
-
adi.
di part di plante, che si calcole secondarie e cence utilitât:
al judave a çoncjâ lis menadis bastardis, a compagnâ sul fîl di fier i cjâfs che no vevin avonde cuars par brincâsi (Maria Forte, Cjase di Dalban)
-
s.m.
butade di une plante che e nas da pît de plante e i gjave fuarce
-
s.m.
(loc.)
ambient de cjase jenfri il solâr plui alt e il cuviert, une volte doprât tant che magazen
Sin. cjast
-
s.m.
(loc.)
pipinot che si met par spaurî i uciei par che no vegnin a mangjâ la semence
Polirematichis e espressions idiomatichis