slambri
slam|bri
[AF]
-
s.m.
viertidure di alc che al è rot, taiât o sbregât:
tal mûr de façade, in bande de puarte, al jere un fal, un slambri insot, come se, no sai, e mancjàs une piere (Dino Virgili, La aghe da pît la cleve);
al puartà une man a fermâ lis vissaris che a si spopeavin di un slambri de panze (Maria Forte, Il Bulo di Crodio)
Sin. slambrade
, sbregade
, sbrego
, siet
-
(estens.)
spazi libar o viert jenfri altris elements:
prin che il troi si impiri pe ultime volte tal penç, o cjali il slambri grant de grave, e o sai dulà che o soi (Stiefin Morat, Donald dal Tiliment);
si vierzeve un canâl, un slambri che si pierdeve jù tal bosc lontan (Pieri Menis, La glesiute dai alpins);
la puarte viarte e veve un slambri di lûs, tal scûr (Dino Virgili, Pôre tal nuie…)
-
s.m.
part avonde grande di alc, in gjenar lungje e strete, taiade, sbregade o gjavade vie cun viamence:
a ‘ndi vevin cjapâts cuatri [di soldâts venezians] e ju scuartarin e po a picjarin i slambris su lis muris de citât (Dino Virgili, La aghe da pît la cleve)
Sin. blec
, bocon
, sbridin
, fete
, toc1
-
part di alc che nol è intîr:
al fevelave bessôl come un cjoc. A slambris di peraulis (Maria Forte, Il bal spisimât des ombrenis)
-
(fig.)
cuantitât avonde piçule:
cuant che o torni tal gno paîs cui miei frututs, se o ai un slambri di timp, no fâs di mancul di menâju di chês bandis dal Cuar (Lucio Perès, Tal Cuar)
-
s.m.
(fig.)
toc, part considerade in particolâr rispiet a un complès:
chest (il Cuarantevot) al è un slambri de nestre storie tant intrigôs che mai, di contâ (Josef Marchet, Cuintristorie dal Friûl fin sot la Italie);
a saressin vonde ancje dome chescj doi slambris di pûr lirisim par fâ di De Gironcoli un poete vêr, un di chei che a san trasmeti emozions veris (Laurin Zuan Nardin, Tal mâr dai siums)
Sin. bocon
, pas
, tai
, toc1
, part1