Dizionari de Lenghe Furlane

blec  /-è-/  blec  [AF]

1. s.m. toc di tiessût, piel o corean che si cûs su di une buse o su di une sbregadure par comedâ vistîts, scarpis o sim.:  lu cjolevin vie par chei tancj blecs che al veve tai bregons (Roberto Ongaro, Il muc); il colôr dai vistîts si smamive tai sorei de canicule. E i blecs che lis feminis a tacavin sù, cu la lôr tinte di gnûf, a someavin taiâts tune altre piece (Riedo Pup, I furlans e la mode)
   Sin. tacon
   Var. sblec
2. s.m. piçul toc o piçule forme:  i veve lassât dome un blec di cjarte scrite, su la taule (Dino Virgili, La aghe da pît la cleve); cuatri blecs di lûs lamie a passin pal barcon tressât cun dôs breis in crôs e si butin tal mûr (Spirt Anonim, Braùre)
   
   1. (spres.) robe piçule e di pôc valôr:  Rome e fâs za un grant sfuarç a smolânus chel blec di passepuart, sore cualchi cjarte di mil (Josef Marchet, Voltâsi ator)
   2. piçul toc ancje di alc di astrat, imateriâl, di discors, di test, di resonament e v.i.:  al rumiave sot vôs cualchi blec di jaculatorie e ogni tant al diseve a fuart: «Amen» (Riedo Pup, I furlans e la caritât); oh, plaits dismenteâts, / blecs di vite scuindude, / olmis platadis tal cûr! (Giovanni Pillinini, Sul roiuç de memorie)
3. s.m. piçule superficie, piçule estension:  a àn dome un blec di tiere che e prodûs sì e no un zei di pomodoros o fasûi (Pieri Somede dai Marcs, La veretât e va ben simpri dite); a passarin lis stagjons tai lôr cjamps, tra i cuei e lis monts, tun blec di Friûl cidinât dal bosc fresc e cjarinât di aghis cjantarinis (Tarcisio Venuti, La cjase di Toni); un prât florît di rosutis salvadiis, no plui grant di une place di un borc di montagne, cuntun blec di cîl turchin parsore vie (Pieri Menis, Cemût che o soi restât caporâl)
4. s.m. (fig.) rimedi improvisât, soluzion provisorie:  il miedi al coreve mo ca, mo là, ma ce podevial fâ se nol veve nuie cun se? Cuatri garzis tant par meti un blec (Alan Brusini, I ribei)
   Sin. argagnade , imbletade , imblichignade , rangjade , repeç , repeçade , rombot , tacon , tassel
5. s.m. espression contrafate de bocje, spec. cuant che si è li li par vaî, ma ancje par altris emozions o par mateç:  la coriera a piveta, a partìs / la bocja ridint di mê mari / a si muda intun blec. / Muta a torna in chê cjasa / che cumò a è vueita di dut (Giovanni Urban, La cjasa di pari); al fasè un blec par ca, dut complasût (Alviero Negro, Setimio)
6. s.m. [TS] gastr. formât di paste taiade in cuadrei o triangui o formis iregolârs:  butâ i blecs in tante aghe salade e bulinte par doi minûts, scolâ e cuinçâ cun spongje, salvie e scuete fumade gratade (Sandri Carrozzo, Blecs di coce)

Polirematichis e espressions idiomatichis

• blec di cjarte loc.s.m.
• fâ il blec loc.v.
• meti un blec loc.v.