Dizionari de Lenghe Furlane

sfris  sfris  [CO]

1. s.m. tai o feride avonde superficiâl:  e il siôr, ingredeantsi intun cison, / al fasè doi biei siets tel veladon, / e sot un voli un sfris, / che i à butât sanc par un cuindis dîs (Pieri Çorut, La mê ospitalitât)
   Sin. sgrif , sgrifade , sgrifignade , gratade , sfrissade
2. s.m. segn lassât di une feride:  un sfris par traviers de muse al è il ricuart de bataie cul pari di jê (Dino Virgili, La Çucule)
   Sin. segn
   
   1. (fig.) consecuence lassade di un fat traumatic:  la esperience cun Silvio e à lassât un sfris che nol larà plui vie (Gianni Gregoricchio, Trê feminis)
3. s.m. (ancje fig.) segn fat cuntune pene, cuntun lapis, cuntun colôr e v.i. par taiâ une peraule o une frase:  la Costituent e tire un sfris su chel "provisoriamentri" (Josef Marchet, Furlans autonomiscj platonics)
   Sin. trat , tai
   
   1. segn fat suntune superficie, suntune piture e v.i.:  po à mitût il dêt sul cjan [piturât tal cuadri], che mi à fat ancje un sfris tal colôr (Vittorio Vittorello, A ogni cost)
4. s.m. (fig.) element materiâl o imateriâl che par forme o efiet si pues paragonâ a un tai:  un sfris di clâr al cricave su lis pontis plui altis dai pôi (Dino Virgili, La aghe da pît la cleve)
   Cfr. tai , lame , spere¹